الفرحة بتكبر بيك ツ

                    الفرحة بتكبر بيك

عارف انك مصدر الفرحة لغيرك .. مصدر الفرحة لنفسك قبل اي حد برده .. طب عارف انك لما بتفرح الفرحة بتكبر بيك وبتزيد بيك .. وعارف ان اي حاجة بتحصل بتسعدك وتفرحك بتديك دفعة معنوية كبيرة جدا ممكن تخليك تعمل عمل مايعمله اكثر من فرد وتزاكر مزاكرة بطريقة اسرع .. الفرحة الحافز اللي بيساعدك وبيسعدك دايما .. عشان كده خليك دايما فرحان خلي الفرحة تكبر بيك ..

احنا ابسط حاجة بتسعدنا وتفرحنا .. ممكن لايك ع بوست ليك .. او ريتويت لتويت ليك .. او كلمة حلوة من حد عزيز عليك .. او حد منعرفوش بيبتسم في وشنا .. ابسط حاجة بتفرحنا وبتخلينا روحنا المعنوية مرتفعة ويومنا احلي حتي بتخلينا بنزاكر واحنا مش حاسين بخنقة او تعب وبتدينا دفعة واصرار ع المزاكرة وع العمل لتحقيق الحلم .. ده غير اننا بنكون سبب في سعادة غيرنا برده بسبب فرحتنا دي والابتسامة اللي في وشنا دايما .. وكلامنا المليان امل وتفاؤل دايما .. بنكون مصدر لفرحة غيرنا واعطاؤه دفعة معنوية دفعة امل تخليه يكمل في طريقه للحلم .. وقدر يعمل اللي مكنش يتوقع انه يعمله .. بكلمة حلوة منك بس .. فمتبخلش بيها ع حد طالما انت متأكد انك بكلمة دي هتقدر تفيده وانت مش هتخسر حاجة بالعكس انت هتكون سبب في سعادة ونجاح غيرك .. وهتبقي سبب في سعادتك برده لما تساعد غيرك وتفرح لنجاحه .. خليك دايما مصدر السعادة والفرحة لغيرك خلي الفرحة تكبر بيك .. J J J

خليك انسان ايجابي .. قلتها وبقولها دايما .. غير تفكيرك السلبي ده غيره للاحسن للتفكير الايجابي .. هنخسر حاجة لما ترجع الامل ليك وتجدد الامل فيك سدئني مش هتخسر حاجة خالص بالعكس ده هيديك حافز للعمل وتكملة الطريق .. متفكرش في اللي بيحصلك بالتفكير السلبي شوف الجانب الاحسن في اللي بيحصلك واتأكد انه خير ليك .. لان كل اللي بيحصلنا خير حتي المشاكل اللي بتقابلك واللي بتحصلك ربنا باعتهالك عشان يعلمك وتستفاد منها مش تفكر تفكير سلبي وحياتك تبقي اسؤ بعدها وخليك واثق في ان كل اللي بيحصلك خير .. لان ربنا باعتلنا خير في كل حاجة بتحصلنا .. ربك رحيم اووي وكريم اووي .. مهما تضيق عليك ارجعله ملكش غيره هو ربك اللي خالقك وحاسس بيك روحله وفضفضله واحكيله كل اللي جواك هو الوحيد اللي سامعك قوم صلي ركعتين واحكي مع ربك وادعيه .. متقولش ربنا مش هيسمعني او مش هيغفرلي لا ربك رحييم وغفووور بس عاوز تدعيله وتلجاله وهو معاك دايما عاوز يسمع صوتك وتوسلك وخضوعك ليه لربك اللي خالقك عاوزك تقرب منه اكتر واطمن ربك قال كما ذكر في الحديث ( أن عبداً أصاب ذنباً - وربما قال أذنب ذنباً - فقال: رب أذنبت - وربما قال: أصبت - فاغفر لي، فقال ربه: عَلِمَ عبدي أن له ربا يغفر الذنب ويأخذ به؟ غفرت لعبدي، ثم مكث ما شاء الله، ثم أصاب ذنباً، أو أذنب ذنباً، فقال: رب أذنبت - أو أصبت - آخر فاغفره، فقال: علِمَ عبدي أن له رباً يغفر الذنب ويأخذ به؟ غفرت لعبدي، ثم مكث ما شاء الله، ثم أذنب ذنباً - وربما قال: أصاب ذنباً - قال: قال رب أصبت - أو قال: أذنبت - آخر فاغفره لي، فقال: علِمَ عبدي أن له رباً يغفر الذنب ويأخذ به؟ غفرت لعبدي، ثلاثاً، فليعمل ما شاء  (.. ربك رحيم اوي بس انت ارجع ليه ربك عاوزك تقرب ليه .. عاوز ترجعله اصلك واحشته .. ارجعله وارمي تكالك عليه واطمن وخلي ظنك في سندك جميل .. ربك حليم ربك كريم خلي ظنك فيي سندك جميل ..

ولاجل مـ الفرحة تكبر بيك وتساعد غيرك .. ولاجل ماتفرح نفسك .. وتعمل خير بما اننا دخلنا ع الشتا والبرد السنادي صعب جدا .. يلا نعمل خير .. عندك بطانية قديمة مبقتش بتستاعملها روح واديها لحد تعرفه انت غلبان او وديها لجمعية خيرية توصلها للي محتاجلها فعلا .. او جمع انت وصحابك كل واحد يدفع مبلغ اللي يقدر عليه وجيبه حتي ولو بطانية واحدة وروح ادوها لحد محتاجلها فعلا اعمل خير في الوقت ده ثوابك كبير اوي عند ربنا وانت بتحمي انسان مـ البرد .. الجاكت القديم بتاعك او البالطو اللي مبقتش بتلبسه اغسله وروح وديه لي حد محتاجه يدفيه في البرد ده او وديه بجمعية خيرية .. وجمع انت واصحابك واعمله حملة لجمع البطاطين والملابس التقيلة او شاركو مع الجمعيات الخيرية .. يلا ساعد عشان تفرح غيرك والفرحة تكبر بيك .. ده غير ثوابك عند ربك ..

خلي الفرحة تكبر بيك .. ارسمها دايما فـ عنيك .. وان ضاقت مرة عليك .. ارجع لربك وافتح ايديك .. وادعيله يطمن قلبك .. ويحنن عليك ..

دور ع الفرحة اللي تخلي الحزن يسيبك .. دور واجري وفتح عينك .. خلي الفرحة الدايمة دي بينك .. وارسمها في وش اللي يعينك .. 
افــرح  J J

افرح دايما وفرح غيرك ..

خلي تفكيرك ايجابي بلاش التفكير السلبي ..

انزل اعمل خير وساعد المحتاجين ..

لما تضيق عليك ارجع لربك وادعيه ..

بس كده ..

تفــائــلو يــابـشر J J

اعمل حاجة تفيد الدنيا ( استغل نفسك ) ツ

اعمل حاجة تفيد الدنيا ( استغل نفسك )

استغل نفسك .. قدراتك .. طاقتك .. اعمل حاجة تفيد الدنيا وهتفيدك قبل كل حاجة ..

استغل نفسي ازاي .. ازاي اغير نفسي .. وازاي افيد الدنيا واكسب انا كمان .. وازاي اعيش مبسوط وسعيد .. ماهو لما تستغل نفسك صح هو ده مصدر السعادة J

كل انسان ع الارض ربنا خالقه ليه رسالة هيئديها وهيعملها ربنا ليه حكمة في وجوده ع الارض .. ممكن تكون لسه مش عارف لغاية دلوقتي انت هنا ليه .. او اي هيا مميزاتك او مواهبك .. حياتك فاضية وع رأي المثل العجيب ( كتر الفضا رجعنا ورا ) من كتر ماحنا فاضيين حياتنا بترجع لورا مبنتقدمش لاننا مبتحركش فبالتالي لازم نرجع ورا .. كتر الكلام برده مبيفيدش بـ حاجة غير تضيع الوقت ..

-         ازاي استغل نفسي :

اكتشف مواهبك .. دور ع ميزاتك .. وابدأ في تغيير نفسك .. كل واحد فينا موهوب وجواه قدرات محدش يعرفها غيره لكن محدش بيبذل الجهد في معرفة ايه هي مواهبه قدراته .. اول حاجة لازم تعرف موهبتك وميزتك اللي بيها هتقدر تفيد الدنيا ..

 الموهبة 99% عرق : فالسلحفاة قد سبقت الأرنب، ذلك لأن الأرنب رَكَن إلى إحساسه بسـرعته، أما السلحفاة فقد بذلت الجهد المنظم، واستغلت موهبتها الحقيقية التي كانت لدى كل العباقرة، وهي الجهد والمثابرة والعمل المنتظم، فالأمر كما قال "إديسون" المخترع الشهير: (إن العبقرية 99% عرق، وواحد بالمائة إلهام)، وكان هو ذاته يعمل لمدة 22 ساعة يوميًّا، حتى أهدى للبشرية عشرات الاختراعات المفيدة.

اخطاؤك هي نسبة نجاحك هي طريق النجاح .. كلما كثرت اخطاؤك كلما زادت تجاربك وزادت فرص نجاحك .. كل مابتخطئ بنتعلم من الخطا ويكون خطوة لنجاحنا بيعلمنا الصبر والارادة وقوة العزيمة .. مش هنقف عنده ونخليه يعوقنا عن تحقيق حلمنا واهدافنا .. يبقي عقبة لينا منقدرش نعمل حاجة تفيد الدنيا ونسيب بصمة لينا في حياتنا .. انا افكر لغد انا اخطأ واتعلم ثم انجح اذا انا اغير نفسي اذا انا حي اذا انا لي بصمة ..

التفكير الايجابي : انك تغير من تفكيرك السلبي وتفكير اللي حواليك في ناس بتقول صعب لكن انك تقدر .. تقدر تكون انسان ايجابي تفكيره دايما في شوية امل معندوش كلمة احباط او كلمة يأس .. اي حاجة بتحصله مهما كانت مشكلة او حاجة كبيرة بتفكيره الايجابي بيعدي المشكلة بسهولة .. تفكيرك الايجابي يعني انك متأكد وعارف ان كل اللي بيحصلك هو خير ليك وربنا ليه فيه حكمة .. عشان كده انت متوكل عليه ومطمن فعشان كده تفكيرك ايجابي وفي امل .. في الوقت اللي كل فيه تفكيره سلبي ومحبط .. وممكن يعوق نفسه عن طريق حلمه بسبب تفكيره السلبي .. فكر بايجابية وسدئني طول ماانت بتفكر بايجابية وبتنشر التفكير الايجابي بين الناس انت كده بتعمل حاجة تفيد الدنيا وبتستغل قدراتك اللي انت بتكتشفها ..

انا فنان انا مطرب انا شاعر انا عبقري انا مصمم انا لاعب رياضة انا مبتكر .. امسك في موهبتك وزودها وحسنها عندك .. اشتغل عليها لانها اللي هتفيدك .. وبيها هتقدر تفيد الدنيا بحاجة صح .. موهبتك هتفيدك بدعم مادي ..

طيب انا عاوز افيد الدنيا وفـ نفس الوقت انا عاوز اكسب ولو جزء بسيط .. انا لسه طالب .. زي ماقولت فوق احنا بنضيع كمية وقت كبيرة جدا وكل وقتنا فاضي في الاجازة مش عيب اني انزل اشتغل .. مش عيب اني انزل في فريق خيري لمساعدة الناس .. مش عيب اني انزل انضف منطقتي .. مش عيب اني بدل ماضيع وقتي اقرا كتاب هفيد الدنيا بيه بمعلوماتي الي عرفتها واللي هقولها لغيري واعلم حد معلومة جديدة او انصحه نصيحة تغيره .. ما انا كده بعمل حاجة تفيد الدنيا .. حاجة هتعود عليا بالسعادة والفرحة ..

انوي وانت نازل مـ البيت انك هتعمل حاجة تفيد الدنيا بيها .. لما تشوف حاجة في الارض شيلها ارميها مكان القمامة .. لما تشوف راجل عجوز كبير ساعده وعديه الشارع .. لما تشوف حد بيتخانق اصلح مابينهم وصالحهم وعرفهم ان الدنيا مش مستاهلة اننا نكره بعض ونتخانق مع بعض .. لما تشوف حد اضحك في وشه .. هضحكه وهتاخد ثواب .. انوي انك تعمل خير .. انوي انك تفيد الدنيا ..  

شوف نفسك واعرف انت عايز ايه .. دور ع مواهبك وميزاتك وشوف هتفيدك بايه .. انوي فـ كل حاجة انك تفيد الدنيا .. انوي عمل الخير .. خليك ايجابي وعرف نفسك بيه .. اضحك في وشوش الناس .. واعرف قيمة الاحساس .. احساس النجاح باستغلال نفسك وقدراتك احساس الفرحة .. انوي فـ كل حاجة انك تفيد الدنيا ..  J J J J J J

لسه الامل موجود .. الامل جوااك ツ

         لسه الامل موجود .. الامل جوااك

لسه الامل موجود .. طول ما انا حي موجود .. لسه الامل موجود .. جوااك ملوش حدود .. لسه الامل موجود .. طول ما ربك جنبك سمعك وشايفك ومديك الامل جوااك ملهش حدود .. لسه الامل موجود .. طول مافي زيك ع الارض عايش موجود .. طول مافي شاب بالفرحة والتفاؤل معروف .. لسه الامل موجود .. طول ما لساك متفائل ببكرة الجاي بالتغيير ..

لسه الامل موجود .. J J

برغم كل اللي بيحصل في البلد من احداث مش طبيعية وقتل وسحل وضرب .. وخيرة الشباب اللي بتموت .. بدون الخوض في الكلام في السياسة .. بس لسه الامل موجود ..

الامل جوا كل واحد فينا .. تفاؤله دايما هو اللي بيزود الامل جوااه وبيطلعه وقت مايحتاجه .. في منا اللي بيستنا يسمع كلمة من حد يقوله لسه فيه امل كلمة بتديله دفعة معنوية وبتطلع الامل اللي جوااه .. فتفكيره بيتغير وبيبدأ يفكر بشكل ايجابي تفكير احسن للتغيير تغيير نفسه وطنه .. يبدأ في تحقيق حلمه .. في منا اللي بيستنا بس حد يقوله كلمة تديله دفعة عشان يتحرك لقدام .. ويكسر كل حواجز الخوف والاحباط ..

وفي منا اللي بيفقد الامل نهائيا .. مع ان الامل جوااه بس مبيرضاش يطلعه لنفسه عشان يدي نفسه الدفعة اللي هتحركه لقدام .. من اول مرة يفشل فيها او يقف في الطريق لحلمه .. بيحبط ويفقد الامل ويرضي بالاحباط والفشل ويسيب حياته تضيع منه .. مع انه جواه الامل والتفاؤل اللي يخليه يوصل لحلمه .. بس تفكيره السلبي في فكرة انه فشل مرة بيوقف في مكانه مبيرضاش حتي يعيد المحاولة تاني عشان يوصل للنجاح .. ع فكرة كل واحد فينا بيفشل كل انسان ناجح بدء بخطوة الفشل .. خطوة الفشل بيعدي عليها كل انسان الناجح فقط هو اللي بيعديها مهما فشل مرة او مرتيين او اكتر بيعديها بالامل اللي جوااه اللي بيقوله هتوصل لحلمك .. اللي بيحركه دايما الي طريق النجاح ..

كتير مننا بيقف عند خطوة الفشل ويفقد الامل بسبب كلمة من حد قاله انت هتفشل او حد قال مفيش امل مهما عملت هتفشل .. كلام الناس الاحباط اللي بيقولوه .. اسمعكلام الاحباط ده دخله من هنا وطلع من الناحية التانية ولا اكني سمعت حاجة دول اعداء النجاح .. اللي بيحبو الفشل .. اغلبهم بيبقو ناس وقفو عند اول خطوة فشل ليهم ومكملوش وعشان كده هما حاقدين ع الناجحين وكلامهم كله احباط لانهم مبيحبوش يشوفه حد ناجح .. كلام الناس ده ولا يأثر فيك اسمعو اكنك مش سامع حاجة .. اكن مفيش حد بيتكلم .. وركز ع حلمك لان الامل جواك ..

وفي ناس كتير جدا .. كلامهم كله تفاؤل وامل واصرار ع الحلم تسمع كلامهم تاخد دفعة تخليك تهد جبال عشان توصل لحلمك .. كلامهم كله تفاؤل وامل يخليك ع حلمك تبدأ وتنجح فيه .. يخليك تغير من نفسك للاحسن وتبدأ تغير في اللي حواليك .. وتبدا تغير في وطنك .. عارف ليه عشان الامل جوااك .. ربنا خالق كل واحد فينا والامل جواه زي مانت ربنا خالقك عندك ايدين ورجلين وقلب وكبد وكليتين واذنين وعينين فم وانف ربنا خالقك وجواك امل  .. بس انت محتاج تسمع كلمة تخلي الامل اللي جواك يطلع ليك يساعدك في تحقيق حلمك يديك تفاؤل لكل اللي جاي .. تفاؤل في بكرة .. متفائل بكل حاجة بتحصلك .. ثقتك في ربك كبيرة .. واثق في رحمته وقضاؤه وقدره .. خليك متفائل خليك ايجابي اتغير للاحسن .. انت احسن انسان في الدنيا ثق في نفسك وقدراتك .. ثق في حلمك .. ثق في ربك .. الامل جوواك

ربك كريم ربك حليم خلي ظنك في سندك جميل .. J J

لسه الامل فيك .. طول مانتا ع حلمك بتجري .. طول مانتا بتخطط لبكرة وجهدك لبلدك بتدي .. طول مانت مش راضي بالفشل  .. طول مانت كلامك دايما بالتفاؤل والامل .. طول مانت حي ع الارض موجود .. طول مانت واثق في ربك المعبود .. لسه الامل موجود

خليك متفائل .. خليك ايجابي ..

متسمعش كلام الناس المحبط ..

اتغير للاحسن .. ثق في نفسك وقدراتك ..

ثق في حلمك .. ثق في ربك ..

انت احسن انسان .. افتكر ان الامل جوااك ..

بس كده ..

تفـائـلو يـا بشـر J J

اضحك .. فك التكشيرة ツ

                اضحك .. فك التكشيرة

اضحك فك التكشيرة .. اضحك واملا الدنيا ببسمة كبيرة ..

افرح دي الدنيا دي متستاهلش انك يوم تزعل فيها .. خلي الحزن يروح لبعيد .. اقفل وراه بالقفل والترباس .. انسي الهم وشيله مـ الاساس .. افتح بيبان الفرحة واملا الدنيا بالضحكات .. واكسر باب الاحباط بشوية تفاؤل من جواك .. واقطم ضهر الهموم بضحكة مـ القلب مرسومة ع وشك لكل انسان ..

كتير مننا بتلاقيه دايما زعلان بيحب الحزن حتي كلامه بيبقي علطول مليان حزن واحباط .. تحس انه مانع الفرحة تخش قلبه علطول مكشر .. ليه كده متعرفش .. اخد الحزن والكئابة اسلوب حياة عنده .. مع انه لو ضحك هيحس بالفرحة دخلت قلبه ونسي همه اه كلنا عندنا مشاكل وبتحصلنا مواقف صعبة لكن لازم نتغلب عليها ومنقفش عندها ونندم ونزعل .. لآ الدنيا مبتقفش ع موقف حصلنا او حد عرفناه وطلع في الاخر وحش الدنيا مبتقفش ابدا واحنا كمان مبنقفش لازم نعدي المشاكل اللي بتقابلنا لانها كلها تجارب لينا ودروس عشان نتعلم منها .. منقفش عندها ونزعل ونملي الدنيا بالحزن وكل كلامنا يبقي حزن .. لا احنا المفروض نفرح ونقطم ضهر همومنا بضحكة ونكسر باب الحزن بابتسامة دايما في وشنا ..

املي الدنيا بالفرحة جرب تدخل الفرحة ع انسان انت كمان هتحس بفرحة كبيرة .. اضحك فك التكشيرة ..

كل واحد فينا ربنا انعم عليه بنِعم كتير .. ومع ذلك بيكون زعلان .. ممكن تكون عايش مرتاح ماديا واجتماعيا .. واهلك كويسين وكل حاجة بتطلبها بتلاقيها ومع ذلك بتبقي زعلان وبتعيش نفسك في جو الحزن والكئابة .. وتبص علي واحد فقير او طفل فقير بتلاقي فرحان والضحكة مبتفرقهوش عايش حياته بكل مافيها برغم المشاكل اللي هو فيها .. في احد الاقوال ( ذات مرة رأيت فقيرا يبتسم .. فاستحييت خجلا من تشاؤمي ) .. ليه بقي التشاؤم وحياة الكئابة والحزن تعيشها .. تفائل اضحك فك التكشيرة ..

بتلاقي ناس ع الفيس اخدين الكئابة اسلوب حياة تلاقي كلامه حزن بوستاته حزن وكئابة حاطط صورة بروفايل سودة بينزل كلام حزين .. ليه كده ياعم بتحس فعلا انه مانع الفرحة تخش عنده .. حتي لو انت زعلان اضحك ع نفسك وقول انك فرحان نزل كلام عن الابتسامة والتفاؤل انشر كلام عن الفرحة هتلاقي نفسك بتفرح من جواك لانك ضحكت ع عقلك الباطن وفهمته انك فرحان .. مهما قابلت من المشاكل اضحك ع نفسك وفهم نفسك انك فرحان ومتفائل اقنع نفسك بكده هتلاقي نفسك فرحان بدون سبب .. اضحك ع نفسك .. اضحك ياعم وفك التكشيرة ..

ربنا انعم علينا بنِعمة الفرحة والضحك .. ليه مش مقدرينا نعمة ربنا علينا وبنزعل .. افرح ..

في فرحة بتحسها لما يكون ربنا راضي عنك بتلاقي نفسك فرحان كده وسعيد حياتك جميلة لما بتعمل كل فروضك ومبتعصيش ربنا .. ربنا بيكون راضي عنك وهي دي بتبقي احسن فرحة .. افرح وفرح اللي حواليك واملي الفرحة في كل مكان .. ابعت الفرحة في رسالة ودوس ع الكل ارسال .. دوس ع الفرحة دايما شير وانشرها في كل مكان .. افرح بني الانسان .. 

اضحك ياسيدي كده وهزر

قاعد مهموم كده ليه مكشر

فـك التكشيـرة بكام بـسمة

وبسمة كمان تيجي تبشيرة

وخلاص بكرة جاي بالخير

بس انت اضحك فك التكشيرة

J J J J J J J J J J 

نضحك ونفرح ننشر الفرحة في كل مكان ..

نتفائل بكل اللي جاي

نعرف ان كل اللي بيحصلنا خير ..

نثق في نفسنا وقدراتنا ونثق في ربنا ..

نفرح مهما كان وننسي الهم والاحزان ..

بس كده

تفـائـلو يـا بشـر J J

اكسر الاحباط بشوية تفاؤل ツ

             اكسر الاحباط بشوية تفاؤل

        

احباط كلمة من خمس حروف هي السر ورا كل فشل .. هي البطل في قصة كام شاب فشل .. كلمة قالها ناس كتير عشان يوقفو حلمك عشان يمنعو حلمك مـ الظهور .. يوقفوك عن تحقيقه .. كلمة بتسمعها كتير ( حلمك صعب ومستحيل ) تلخيصها احباط الناس ليك .. كتير منا وقفو عن تحقيق حلمهم بسبب كلام الناس .. وكتير مننا رمو كلام الناس ورا ضهرهم رمو الاحباط ورا ضهرهم وكملو حلمهم ووصلو ليه .. وزي ماقال كاريوكي ( سيبك من كل الناس وبنفسك ابدأ ) بنفسك ابدا يلا قوي نفسك بتفاؤلك في بكرة اكسر الاحباط بشوية تفاؤل ..

دور ع  حلمك حطه في اجمل برواز وارسمه بتفاؤل ويا امل  وشوية عمل يصبح الحلم اجمل حقيقة بتتقال ..

دور ع حلمك وخطط ليه وابدأ في تحقيقه .. هتسمع كلام كتير يحبطك كلام كتير عشان يوقفك عن حلمك .. سيبك من كلام الناس .. قوي نفسك وشجع نفسك بالتفاؤل والامل في كل اللي جاي .. خلي ثقتك في ربك كبيرة .. مـ الاخر اكسر الاحباط دايما متخليهوش يتغلب عليك ويوقفك عن حلمك .. خلي التفاؤل من صفاتك والامل في بكرة اهم كلامك .. انشر التفاؤل دايما في كل مكان ..

امن بنفسك وقدراتك وحلمك .. ثق في ربك ثق في نفسك وبنفسك هتوصل  .. سيبك من كلام الناس .. تفائل ببكرة. حط حلمك قدام عينيك حطه في برواز جميل يليق بيه ..

امن بحلمك خليك وراه هتفشل مره ده شئ اكيد بس الفشل اول خطوة للنجاح الفشل بنتعلم منه عشان ننجح في المحاولة اللي بعدها .. هتفشل تاني شئ مش بعيد .. لو فشلت 100 مرة مسيرك هتوصل لحلمك ..

( توماس اديسون مخترع المصباح الكهربي حاول 999 مرة في كل مرة يفشل ولكن في كل محاولة يتعلم من خطئه السابق ولم يحبط بعد كل هذه المحاولات ولكنه اصر علي تحقيق حلمه وتكملة اختراعه حتي ان وصل لهدفه وصنع المصباح .. ولكنه لم يسمها محاولات فاشلة بل سماها تجارب لم تنجح .. وقال ايضا تعلمت 999 طريقة خطأ لصنع المصباح ) نتعلم من قصة النجاح هذه ..  الصبر والثقة بالنفس ثقة بقدراتي اني قادر علي تحقيق حلمي والتفاؤل تفاؤل باني ساصل لحلمي عما قريب واني مهما حاولت وفشلت سأصل في النهاية الي حلمي ..

شيل من قاموسك كلمة مستحيل .. امسحها بتفاؤلك الكبير

.. اكسر الاحباط بشوية تفاؤل

هي كلمة التفاؤل ليها مفعول سحري عجيب .. بتيجي من ثقتك في ربنا وان كل حاجة بتحصل خير مهما كان ايه اللي بيحصل .. بتيجي مـ الصبر دايما والامل في بكرة .. تفاؤل لو كل واحد مشي بالتفاؤل حياته هتتغير حتي هي سبب الضحكة والسعادة .. حد سئلني انت ليه كده مش محبط من اللي بيحصل مش بتزعل مـ اللي بيحصل لسه شايف في خير في البلد لسه شايف في خير في الناس رديت عليه بكلمة واحد ( ات از تفاؤل ) J ايوة هو التفاؤل اللي مخليني كده .. عشان ثقتي في ربي كبيرة .. عشان متأكد ان لسه في خير في الناس لسه في خير في البلد وانها هتقوم مـ المحنة والظلم اللي هي فيه .. هي كلمة متفائل خليك متفائل وشوف هتبقي ازاي .. بص لكل حاجة بتحصلك في انها خير ليك وربنا ليه فيها حكمة .. بص دايما ع الجانب المشرق في كل حاجة بتحصل حتي لو كانت وحشة اكيد وراه خير .. التفاؤل نور يضئ الظلام .. خليك دايما النور ده المتفائل دايما .. وبتنشر التفاؤل دايما ..

مـ _ مسحت الماضي باستيكة وهبدأ تاني من جديد 

تــ _ توصلت لحل جميل هعيش اللحظة بكل مافيها وهغير من نفسي اكيد 

فـ _ فارئت الحزن ونسيته رميته ورا ضهري وعديته وفتحت باب الفرح وخليته مفتوح لكل حزين

ا _ الغيت من قاموسي كلمة مستحيل وقولت ده الامل في بكرة كبير 

ئـ _ ئلبت قناة الحزن وعديتها بمية ضحكة وقولت خلاص بكرة جاي بالخير 

لـ _ لقيت الفرح خلاص جاني والخير بقي كتير في حياتي ولقيت الامل اصبح موجود 

عرفت معني متفائل وحفظتها صم .. وهانشرها في كل مكان وانسي الغم ..
متفائـل لابعد حدود .. متفائـل طول مانا ع الارض موجود .. 

اكسر احباطك بشوية تفاؤل ..

شيل من قاموسك كلمة مستحيل ..

امسحها بتفاؤلك الكبير ..

خلي الابتسامة في وشك دايما ..

حط حلمك في اجمل برواز ..

وجمله بتفاؤل ويا عمل

يصبح الحلم اجمل حقيقة بتتقال ..

بس كده ..

تفـائلـو يـا بشر J J J

العيد يعني الفرحة ( عيد تفرح ) ツ

           

        العيد يعني الفرحة ( عيد تفرح )             

كل سنة وانتو بخير .. وعيد سعيد ع الكل .. واحلي عيد ع الناس الفل .. عيد اضحي مبارك علي الجميع ان شاء الله ..

عيش كل يوم عيد .. عيش بالفرحة عيش بالسعادة .. عيش بالابتسامة .. عيش بالتفاؤل .. عيش بالامل .. عيش بالضحكة .. عيش سعيد .. عيش كل يوم كانه عيد .. J J J

العيد قرب اهو خلاص كلها يومين وتيجي الفرحة .. الفرحة اللي بنحسها فكل عيد .. مهما كانت حالتنا او ظروفنا او كانت همومنا اد ايه .. بنحس بالفرحة الجميلة ..

خلي فرحة العيد السنادي دايمة وكبر الفرحة اوي .. انشرها بين الناس .. قول لكل الناس كل سنة وانتو طيبين وابتسم في وشهم .. قول لقرايبك كلم كل واحد وقوله كل سنة وانت طيب .. قول لاصحابك قول لحبايبك .. قول لكل الناس .. فرح الناس معاك وخلي الفرحة دايمة .. خلي الفرحة تكبر اكتر ..

-       فرح كل الناس فرح اكبر عدد من الاطفال يوم العيد ..

- بعد الصلاة جيب بنبوني ووزع الاطفال هتفرحهم ..

- جيب 50 جنيه وفكها متقولش ده عيد لحمة فكها 50 قرش او 25 قرش ووزع ع الاطفال بعد الصلاة هتفرحهم اوي ..

- جيب 100 جنيه وفكها 1 جنيه ووزع ع اي طفل غلبان تشوفه اي طفل من اطفال الشوارع علي اد المبلغ ماهو قليل بس هتفرحو ان في حد افتكره وعيد عليه وقالو كل سنة وانت طيب ..

- كلم اصحابك كلم قرايبك وقولهم كل سنة وانتو طيبين فرحهم ..

- اي حد تشوفه ابتسم في وشه وقوله ل سنة وانت طيب فرحه ..

انت كمان هتفرح لفرحتهم .. هتفرح انك فرحت حد واسعدته ..

حاول تخلي الفرحة السنادي كبيرة اكتر من فرحة كل عيد .. فرح الناس لانهم بجد محتاجين يفرحو .. في العيد وبعد العيد وقبل العيد وفي كل وقت فرح الناس ..

وزي ماقولت العيد يعني الفرحة ..

 ربنا بيفرحنا وبيجازينا ع اد صيامنا في العشر الاوائل من ذي الحجة .. ربنا اقسم بيهم في كتابه العزيز ( والفجر . وليال عشر ) .. وربنا عزوجل قالنا ثوابهم كبير ربنا بيغفر لنا سنة مضت وسنة قادمة .. فعلينا ان نصومه لننول هذا الثواب الكبير .. ده هو يوم واحد وثوابه كبير ومش هتحس بالصيام متقولش اصله مش فرض مش مهم اصومه .. يعني ده يوم جايلك وثوابه كبير حاجة بسيطة تعملها وثوابها كبير .. تقوم انت رافض الهدية اللي ربنا باعتهالك .. عاوزين كلنا ان شاء الله نصوم يوم وعرفة وياسلام لو حد صايم كمان العشر الاوائل كلهم ربنا يكرمه ربنا يكرمنا كلنا .. 

عيش حياتك بالفرح .. متشلش هم خالص .. لو جالك الهم عكنن عليه بضحكة جميلة .. متزعلش ولو زعلان اكسر زعلك بابتسامة حلوة .. الحياة جميلة عيشها بالفرحة .. اه فيها هموم ومشاكل ده شئ طبيعي .. بس احنا هنتغلب عليه بضحكة وابتسامة بفرحة دايمة .. بتفاؤلنا بكل شئ بيحصل لينا .. واملنا في بكرة .. وثقتنا في ربنا وفي كل حاجة بتحصلنا انها خير ..

العيد قرب اهو اهو .. وهندبح خلاص الخروف

بعد الصلاة اوام هنروح ونودعه ونقوله سلام ..

وهتوحشنا مئ مئتك وفروك وصوتك الظريف ..

وهناكل منك لحمة .. وهنتلم نكون زحمة .. ع الفطار في اول يوم نفطر كبدة ولحمة ..

وهنفرح كلنا بيك ..

كل سنة وانتو طيبين .. ويارب عيد سعيد علينا كلنا ..

عيش كل يوم عيد ..

عيش بالفرحة عيش بالسعادة ..

 عيش بالابتسامة .. عيش بالتفاؤل ..

 عيش بالامل .. عيش بالضحكة ..

 عيش سعيد .. عيش كل يوم كانه عيد ..

تفـائـلو يـابشــر  J J J

عمل الخير ( العمل التطوعي ) سر السعادة 4

    عمل الخير ( العمل التطوعي ) سر السعادة 4

لو بتدور ع السعادة هتلاقيها في ضحكة طفل لما تساعده .. في دعوة ست كبيرة لما تعديها الشارع .. في ابتسامة ع وش راجل كبير لما تزوره وتفرحه ..

بص ياسيدي العمل التطوعي ومساعدة الناس وتكون سبب في فرحة حد بجد ده اجمل سعادة في الدنيا واجمل فرحة .. وفعلا العمل التطوعي سر من اسرار السعادة .. لو جربته وجربت متعة العمل التطوعي ومتعة عمل الخير عمرك ماهتبطل تعمل خير ابدا وهتحس دايما بفرحة .. وهتكون طاير من لفرحة لما تكون السبب في فرحة طفل او ست او راجل كبير وتكون السبب في مساعدتهم ..

بص لو قعدت اوصفلك متعة العمل التطوعي والفرحة اد ايه وانت بتشتغل لله وبتعمل خير مش هقدر اوصفلك برده .. الا لو انت جربت تعمل خير .. هتعرف فعلا انه سر من اسرار السعادة اللي انت محستش بيها  ..

بجد صورة الاطفال دي كانت في معرض ملابس كنا عاملينه ( فريق بناة مصر ) في قرية من القري التي تكاد معدومة .. وكان المعرض ده في رمضان واحنا كنا تعبنا في اليوم ده اوي اوي وكنا صايمين .. بس والله لما شوفت فرحة الاطفال دي وضحكتهم متتخيلش سعادتي كانت اد ايه وكل التعب ده محستش بيه .. بجد الصورة دي بالنسبالي كل اما اشوفها احس بفرحة وسعادة لا توصف لاني كنت سبب في فرحة الاطفال دي .. العمل التطوعي سر من اسرار السعادة حاول تجربه ولو ليوم بجد مش هتبطل تعمل خير ابدا ..

 مش بقولك لازم تنزل في جمعية خيرية وكده .. انت ممكن تعمل خير لوحدك .. تزور جار ليك كبير محدش بيزوره وتفرحه .. تنزل تشوف الاطفال اللي عندك في المنطقة وتفرحهم .. تعدي ست كبيرة الشارع .. وتساعد جارة ليك شايفها شايلة حاجات كتير وتدعيلك .. تروح دار المسنين وتقعد مع الناس هتاك وتفرحهم .. حاجات كتير اوي ممكن تعملها خير لوحدك وسدئني هقولهاك كلمة متعة العمل التطوعي لا توصف .. لو جربته مرة عمرك ماهتبطل تعمل خير ابدا ..

امبارح كان يوم من اسعد ايام حياتي .. وانا بشوف فريقي ( فريق بناة مصر للاعمال التطوعية ) اللي اتشرف اني اكون فيه وهو بيحتفل بمرور عام علي تأسيسه وربنا كرمنا وكانت حفلة وفرحة لا توصف وربنا كرمنا وكافئنا علي تعبنا في السنة دي .. وانا شايف فرحة اهلي وفرحة كل اللي اعرفهم وفرحة اخواتي اللي في الفريق وفرحة اختي مؤسسة الفريق

وفرحة كل اللي حضر الحفلة .. بجد احساس جميل اونت حاسس بالسعادة بسبب عمل الخير .. حاسس ان ربنا بيكافئك علي تعبك وشغلك في الخير .. J J

لو بتدور ع السعادة هتلاقي اسرارها كتير .. هتلاقيها في عمل الخير وانت بتساعد الغير .. هتلاقيها في ضحكة طفل بلبس جديد .. هتلاقيها في ابتسامة ع وش راجل كبير لما تزوره وتفرحه .. هتلاقيها في كل خطوة في عمل الخير ..

العمل التطوعي سر السعادة ..

متعة عمل الخير .. متعة وسعادة لا توصف ..

اعمل الخير دايما مهما كان ..

كفاية ثواب ربنا وكله في ميزان حسناتك ..

بس كده ..

تفـائلـــو يــا بشــر J J J

( رضا ربنا ) سر السعادة 3

             ( رضا ربنا )  سر السعادة 3

لما ربنا بيكون راضي عليك .. بتحس بفرحة في حياتك بتلاقي نفسك علطول فرحان ومبتسم .. بتلاقي الكل حواليك بتحس فعلا بطعم الحياة الجميلة .. ماهو رضا  ربنا هو سر السعادة الحقيقية ..

صلاتك سر سعادتك ..

لما بتحافظ علي صلاتك وبتقضيها في وقتها ربنا بيكون راضي عنك .. بتعمل الفروض اللي عليك وبتلاقي رد ربنا عليك بفرحة وضحكة جميلة مع اصحابك مع اهلك مع جيرانك المهم انك بتحس بفرحة وسعادة طعمها فعلا غريب ..

حافظ ع صلاتك دايما .. اولا عشان الصلاة فرض عليك وواجب عليك انك تقضيه وانت مش بتقضيه غصبٍ عنك لآ انت بتصلي عشان بتحب ربنا مش عشان بتخاف منه بس لا ده حبا وطمعا في رضاه عنك .. ثانيا عشان الصلاة بتلاقي فيها راحتك وبتشكي فيها همك وضيقك وزعلك لخالق الكون .. وبعد ماتصلي بتحس راحة ونِفسك هادية وصافية .. صلاتك سر سعادتك حافظ عليها .. J J

وقرائتك للقران وبتحس براحة كده وربنا بيرضي عنك .. حافظ علي قراءة القران ولو كل يوم صفحة .. 

اخلاقك الطيبة سر سعادتك ..                                                                                       

 اخلاقك اخلاق دينا السمحة اخلاق الاسلام الاخلاق اللي علمهالنا سيدك وسيد الخلق اجمعين محمد ( صلي الله عليه وسلم ) هي سر سعادتك .. اللي بتخلي ربنا راضي عنك .. وبيحبك ويابختك بقي لما ربنا يحبك ويرضي عنك ..                                                        

                                                 

قال رسول الله صلى الله عليه وسلم: " إن الله إذا أحب عبداً دعا له جبريل، عليه السلام، فقال: إني أحب فلانا فأحبه، قال: فيحبه جبريل، ثم ينادي في السماء فيقول: إن الله يحب فلانا فأحبوه، فيحبه أهل السماء، قال: ثم يوضع له القبول في الأرض، وإذا أبغض الله عبداً، دعا جبريل، فيقول: إني أبغض فلانا فأبغضه، فيبغضه جبريل، ثم ينادي في أهل السماء: إن الله يبغض فلاناً، فأبغضوه، قال: فيبغضونه، ثم توضع له البغضاء في الأرض "

صدق رسول الله صلي الله عليه وسلم .. كن مثال لاخلاق الاسلام .. خليك مسلم صح وانشر اخلاق الاسلام الطيبة وخليك قدوة لغيرك .. باخلاقنا سنرتقي ..

-       رضا اهلك ( ابوك وامك ) من رضا ربنا ..

 لما ابوك وامك يرضو عليك بتحس بفرحة وانت قاعد معاهم وهما فرحانين بيك وانت مشرفهم بانك مسلم صح شاب او شابة محترم .. محترمهم ومقدرهم .. وبتحبهم وعامل حسابهم ومبتتعبهمش دايما .. بتحس بسعادة كده طعمها جميل وانت سامع دعوة الحاجة وانت نازل ودعوة الحاج وهو بيصلي وفرحتهم انهم خلفو شاب – شابة محترمة .. ويابختك بقي لو ابوك وامك راضيين عنك ..

ربك ذكرهم في كتابه العزيز ( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا ) صدق الله العظيم .. رضا ابوك وامك من رضا ربنا عليك .. اوعي فيوم تزعلهم خليك دايما السبب في فرحهم وانت مشرفهم دايما .. لان رضاهم عنك سر سعادتك .. ربنا هيرضي عليك لما اهلك يرضو عليك .. J J

ده رضا ربك يابن ادم سر السعادة ليك .. وصلاتك وانت راكع وساجد بين ايديه وبتدعيله ياخالق الكون من الذنوب نجيني وع الصراط ياارب واهديني .. وتقوم من صلاتك براحة وسعادة والنفس مرضية .. واخلاقك الطيبة وبصمتك للناس وكلامك الطيب ونشرك للاسلام .. ورضا ابوك وامك عليك يابني ده من رضا ربك وسر سعادتك في دنياك واخرتك .. ربك كريم مبيخزلش عبده وحليم اوي في جوده وفـ كرمه .. ياارب رضاك ورحمتك بينا .. يااارب

ربك كريم ربك حليم خي ظنك في سندك جميل .. J

حافظ ع صلاتك هي سر سعادتك ..

اخلاقك الطيبة كن مسلم صح .. وانشر اخلاق الاسلام اللي الرسول صلي الله عليه وسلم  علمهالنا ..

باخلاقنا سنرتقي ..

رضا ابوك وامك من رضا ربنا اوعي في يوم تزعلهم ..

رضا ربنا عليك سر سعادتك في دنياك واخرتك ..

بس كده تفــائلو يابشر .. J J

( الهدف – الحلم ) سر السعادة 2

            ( الهدف – الحلم ) سر السعادة 2

سر سعادتك و الحاجة اللي  بتفرح بسببها هي احلامك لما تبدأ في تحقيقها وتمشي ع الخطوات اللي هتوصلك لحلمك وهدفك .. لما تحقق خطوة لحلمك بتفرح اوي .. بتحس بسعادة غريبة .. ماهي سر من اسرار سعادتك هي احلامك واهدافك في الحياة .. حدد حلمك وهدفك يلا وابدأ في تحديد الخطوات اللي هتوصلك ليه .. طبعا كل ده محتاج انك تكون متفائل لابعد الحدود وعندك ثقة في ربك وامل في بكرة ..

سر سعادتي ازاي ؟؟!! .. انت لما تحقق حلمك في سعادة وفرحة اكتر من كده انك تحقق خطوة في طريق نجاحك وطريق حلمك سعادة لا توصف .. بس اكيد في طريقي للوصول لحلمي هقع مرة يمكن مرتين .. المهم انك متيئسش من نفسك لمرة .. ومتيئسش من حلمك ومن املك في بكرة .. خلي ثقتك في ربك وتفاؤلك كبير جدا .. تفاؤل لابعد الحدود .. واحلم دايما احلامك ملهاش نهاية احلامك الي مالا نهاية امل هم سموها احلام ليها .. بس الاحلام دي بتتحقق بقوة عزيمتك وارادتك القوية وتفاؤلك وثقتك في ربك .. لما تحقق حلمك هتحس بالسعادة .. هتحس بالسعادة لما يكون حلمك هيساعد الناس .. كل شخص هتساعده بحلمك وهدفك اللي هتحققه باذن الله هتحس بالسعادة انك كنت سبب في مساعدة حد .. بجد تحقيق حلمك وهدفك هما سر من اسرار سعادتك .. J J

حدد حلمك حدد هدفك واجري عليه .. اوعي تقول صعب اني اوصل .. اصل ده حلمي صعب بعيد .. لا ياسيدي ممكن توصل لو ركزت جهدك عليه .. ايوة ياسيدي ايوة هتوصل لو تفائلت في بكرة اللي جاي فيه .. ثقتك في ربك هي املك اللي بتتشعلق فيه .. ايوة ده حلمك سر سعادتك وهتنجح فيه ..

وخلي بالك هتقع مرة .. ومرة تانية برده مش بعيد

ابتسم دايما وابدأ من جديد .. حاول وعافر هتوصل اكيد

-       رسالة لكل طلاب ثانوي :

متصعبش السنة ع نفسك دي سنة زي اي سنة بس لازم تبذل فيها كل جهدك عشان هيترتب عليه تحقيق حلمك وهدفك .. ومتشتتش نفسك بين حاجتين لا حدد هدفك من دلوقتي وهو هجيب 100% ان شاء الله .. ركز ع الهدف ده هو صعب بس مش مستحيل وهيتحقق ببذل جهد اكبر .. انت داخل السنة دي ( اكون او لا اكون ) .. وعيش السنة دي بكل مافيها هزر واضحك وافرح والعب لانها اجمل سنة في حياتك بكرة لما تعدي ع خيير باذن الله هتفتكر وتقول دي اجمل سنة عيشتها برغم كل اللي فيها من صعوبات وضغوطات .. انت لازم تتخطي كل الضغوطات دي وتتغلب عليها .. ومتقولش هخش الكلية دي لو مجبتش مجموعها هخش الكلية دي لو مجبتش يبقي الكلية دي كده انت بتشتت نفسك وف الاخر لا هطول دي ولا دي .. انت كل تركيزك دلوقتي انك تجيب 100% مهما كان حلمك او كليتك اللي عاوز تخشها مجموعها اقل .. طبعا كل بامر الله .. انت تعمل الي عليك وتبذل جهدك والباقي علي ربك .. واهم حاجة تفاؤلك وثقتك في ربك انه هيكرمك السنة دي وهيحقق حلمك ..

اهم حاجة رضي ربنا عليك ورضي ابوك وامك عليك سدئني دول من اسباب نجاحك السنة دي .. اوعي تقصر في صلاتك واقرا قران ولو صفحة في اليوم بس حافظ ع قراءة القران لان رضي ربك عليك سبب نجاحك السنة دي ..

وربنا يوفقنا كلنا السنة دي ..

اسرار السعادة كتير دور عليها هتلاقيها قريبة ليك .. اصل السعادة جواك انت طلعها وخلي دايما الفرحة فيك .. حلمك وهدفك سر سعادتك وتحقيقهم ده سر ليه .. تفاؤلك ويا ثقتك في ربك ده سر من اسرار السعادة ليك ..

نركز في بكرة .. نركز ع حلمنا وهدفنا ..

نثق في قدراتنا .. وندور ع السعادة جوانا ..

نتفائل في بكرة كل اللي جاي ونثق في ربنا ..

نركز ع هدف وهو اجيب السنة دي 100% ..

هيتحقق باذن الله .. نبذل كل جهدنا عليه ..

كل اللي بيحصلنا خير لينا ..

بس كده ..

تفـائلــو يـا بشــــر J J

( الثقة بالله - التفاؤل ) سر السعادة 1

             ( الثقة بالله - التفاؤل )  سر السعادة 1

عمرك سئلت نفسك ايه هو سر السعادة .. اقولك انا سر السعادة في الثقة بالله دي اهم سبب للسعادة .. ثقة في ربك انه مش هيضيعك هو اللي حاسس بيك .. ثقة ربك واللي هيحصل بكرة .. ثقة في مستقبلك اللي في ايد ربك .. ثقة في حلمك وانت واثق في ربك انه هيحققه .. ثقة في ربك لما تقع في مشكلة وتلجأله وتدعيله وتلاقي الهموم والمشاكل راحت .. ثقة في ربك وفي بكرة اللي جاي ..

كما سٌئل الحسن البصري رحمه الله عن سر زهده في الدنيا زهده الذي هو سر سعادته قال ..

 عَلِمتُ أنْ رزقي لا يأخذه غيري فاطمئن قلبي. . 

وَ عَلِمتُ أنْ عملي لا يقوم به غيري فشُغِلْتُ به وحدي . .

وَ عَلِمتُ أنْ اللَّه مطَّلِعٌ علَيَّ فاستحيت أن يراني علَىْ معصية . .

وَ علمت أن الموت ينتظرني فأعددت الزاد للقاء ربِّي . .

انظر بماذا رد وقال انها الثقة في ربه .. الثقة في خالقه سبحانه وتعالي .. فلا تشغل نفسك بشئ ولا تشغل تفكيرك ماذا سأفعل في هذا وذاك .. ثق في ربك هو الذي سيخرجك من اي مأزق ستقع به .. او اي مشكلة هتقع فيها ..

نرجع بقي الثقة في ربك سر السعادة ازاي .. انت لما بتثق في ربك عارف انه حاسس بيك وعالم بحالك وبكرة هيجي احسن بتحس بالسعادة وبالراحة والابتسامة هتبقي في وشك دايما .. الراحة والسعادة دي هي عشان ربنا راضي عنك .. لانك مبتعصيش ربك وبتعمل كل اللي عليك بتصلي صلاتك في وقتها اخلاقك طيبة .. عشان انت فعلا مثال للرجل المسلم .. احسن سعادة وراحة في الدنيا هي الراحة والسعادة لما يكون ربك راضي عنك ..

وفي حكمة او مقولة بحبها اوي .. ( ابتسم فرزقك مقسوم وقدرك محسوم وأحوال الدنيا لا تستحق الهموم لأنها بين يدي الحي القيوم ) .. فلا تخف من الغد او من مستقبلك فكله بيد الله .. فقط ثق في ربك ستشعر بالسعادة والراحة وهو ده اهم اسباب  السعادة J  ..

التفاؤل سر السعادة ..

انت لما بتتفائل بكل حاجة بتحصلك بتحس بالسعادة وبتقي دايما مبتسم .. التفاؤل هو سر السعادة انت بتبقي متفائل لانك واثق في ربك فتفائلك ده ناتج من انك واثق في ربك .. ان كل احاجة بتحصلك خير .. وكل حاجة بتحصلك ربك ليه حكمة فيها .. فبتتفائل وبتبقي دايما سعيد وفرحان ..

تفاؤلك هو سر نجاحك ايضا .. انت لما بتتفائل بتعيش الدنيا بطعم السعادة اجمل طعم واجمل نكهة للحياة هي نكهة السعادة والفرحة .. لكن لما تيئس من نفسك وتحبط بتعيش الدنيا بطعم الحزن ع فكرة انت اللي بئيدك انك تعيش في سعادة وفرحة وتفاؤل او حزن واحباط ويئس كل حاجة بايديك ..

 ولو بتدور ع السعادة بجد السعادة جوااك دور عليها وطلعها لكل اللي حواليك وفرح كل اللي حواليك واسعدهم دايما واوعي في يوم تحبط حد .. انشر التفاؤل دايما خليك مصدر للتفاؤل .. اصحي كل يوم وانت بادئ يومك بابتسامة ومعاها كوباية تفاؤل مليانة امل .. وركز في حلمك واسعي اليه واجتهد وخطط للخطوات اللي هتوصلك لحلمك وامشي عليها ..

وفي مقولة بحبها اوي وجميلة جدا (  من التفاؤل يولد الامل ومن الامل يولد العمل ومن العمل يولد النجاح ومن النجاح تولد السعادة ) .. تفاؤلك هو سر نجاحك وعملك هو سر سعادتك اوعي في يوم تحبط او تيئس .. ده تفاؤلك هو اللي هينجح .. ركز بس في بكرة وابني .. ابذل جهدك واشتغل يبني .. واوعي تقول مش هقدر لوحدي .. ده انت لوحدك تقدر تبني .. وتجمع الكل معاك .. وترجعو مجد البلاد .. وتلحقو كل اللي فات .. ده تفاؤلك هو اللي هيقدر مع املك وعملك وثقتك في ربك تلقي نجاحك اسمك عليه ..

واوعي تقلل من نفسك مرة .. ده انت بنفسك تقدر يلا .. ارسم خطوة لحلمك يلا .. اكتب فكرة تنور بكرة .. وتفاؤلك ده طاقة ليك .. وتفاؤل ده سر سعادتك مع ثقتك في ربك اكيد ..

نثق في نفسنا وقدراتنا ..

نثق في ربنا ونتفائل بكل حاجة بتحصلنا ..

سر السعادة في الثقة في ربك وتفاؤلك ..

كل حاجة بتحصلنا ربنا ليه فيها حكمة ..

كل حاجة بتحصلنا هي خير لينا ..

نتفائل دايما هنلاقي السعادة في ايدينا ..

بس كده ..

تفائلـو يـا بشــر J J