دعوة للتفاؤل

قال سبحانه وتعالي ( وعسي ان تكرهو شيئا وهو خير لكم وعسي ان تحبو شيئا وهو شرا لكم ) صدق الله العظيم

كل واحد فينا لما بتحصل معاه حاجة او يفقد حاجة بيحبها اووي بيندم حظه ويقول اشمعنا انا وليه بيحصل كده معايا وبينسي ان اي حاجة بتحصل ليه هي خير لان ربنا عاوز كده وربنا عاوز الخير لييه مع انه لو بص للي بيحصل معاه من ناحية تانية هيعرف ان اللي حصل ده خير لييه كل واحد فينا بيبص زي مابنقول علي نص الكوباية الفاضي لييه مبنبصش علي النص التاني المليان ليه مبنحبش نتفائل كل واحد بقي متشائم وحاسس ان مفيش امل مع انه صلي الله عليه وسلم قال ( تفائلو بالخير تجدوه ) لو تفائلنا بالخير هنلاقي الخير موجود ونحسْ بيه لييه مبنتفائلش باي حاجة بتحصلنا ونلاقي الامل موجود ونتفائل بالخير باللي بيحصل معانا هنزرع الامل جوانا بجد وهنحس بفرق كبيير لو كل واحد فينا نشر التفاؤل بين صحابه ومع نفسه وزرع الامل جواهم حاجات كتيير هتتغير معانا قليل دلوقتي لما تلاقي ناس متفائلة الناس دلوقتي فقدو الامل وتملكهم اليأس بسبب مشاكل الحياة واللي بيحصل فيها ونسيُه ان ربنا سبحانه وتعالي موجود وهو سبحانه وتعالي عارف الخير لينا فين وزي ماقال بايرون ( المتفائل يرى ضوءا غير موجود.والمتشائم احمق يرى ضوا ولا يصدقه ) المتفائل بيبص للحياة من ناحية تانية خالص وبيحس بمتعة الحياة وبيحس بسعادة غريبة   التفاؤل صفة من صفات الناجحين وفي احد الاقول ( من التفاؤل يولد الامل .. ومن الامل يولد العمل .. ومن العمل يولد النجاح ) لما نتفائل هنجتهد ونوصل للنجاح ونحس بمتعة النجاح ومن التفاؤل هنحس بالسعادة والفرح وهنحس بتغيير وفرق كبيير في حياتنا

عاوزين كلنا نبقي متفائلين وننشر التفاؤل مابينا ونزرع الامل جوانا ونعمل بقوله صلي الله عليه وسلم ( تفائلو بالخير تجدوه ) لما نتفائل هتغير حياتنا وحياة اللي حوالينا عاوزين نزرع الامل ونسيب  بصمة لينا علي كل اللي حوالينا J

تفاؤل .. فرغم وجود الشر، هناك الخير..!
تفاؤل .. فرغم وجود المشاكل هناك الحل..!
تفاؤل .. فرغم وجود الفشل هناك النجاح..!
تفاؤل .. فرغم قسوة الواقع هناك زهرة أمل..!

اضحك من قلبك

 اضحك من قلبك قليل اوي اليومين دول لما تلاقي حد بيضحك من قلبه كل واحد مهموم وشايل جوه نفسه ومش طايق نفسه ولما بيضحك بتحس انها ضحكة صفرا ليه السعادة بقت مختفية مننا دلوقتي كلنا بقينا مهمومين ومضايقين بحلم ان الناس كلها تضحك من قلبها والسعادة تفضل علطول والابتسامة تفضل علي الوش دايما دلوقتي تمشي في الشارع تلاقي ناس مكشرة ومش طايقين نفسهم معرفش بيستفادو ايه من التكشيرة دي بس حاول تنشر سعادة حاوليك وتسيب ابتسامة علي الوشوش اللي بتلاقيها في طريقك وزي ماقال زاب ثروت " نفض اي زعل او هم عن هدومك ارسم ابتسامة حلوة ابدا بيها يومك اتجنن اعمل اي خير لغيرك مين هيلومك اضحك وامسح اللي باقي لسه من همومك خلي السعادة عادة حتي ولو بزيادة اعمل خير من غير ماتسئل ايه الاستفادة بحلم بالفرح بحلم بابتسامة بحلم ان الضحكة تبقي في وشنا علامة مجنون عادي جدا ممكن بيها توصفوها مبسوط ع السعادة جايز جدا تحسدوني " انا كمان بحلم ان الضحكة تبقي في وش كل الناس علامة وتبقي ضحكة من القلب وبحلم ان الضحكة عمرها ماتفارق وشوشنا وبحلم كمان ان كلنا نعمل خير ونساعد الناس من غير منستني مقابل او من غير مانسئل ايه الاستفادة من الخير اللي بنعمله وزي ماقال كاريوكي " اضحك والضحكة تبقي ضحكتين واتنين في اتنين في اتنين ضحك كل العايشين كلنا في مركب واحدة مكملين والصورة الحلوة بتتاخد في ثانيتين " الاغنية دي جميلة جدا وياسلام لو نطبقها ونمشي بيها بجد حاجات كتيير هتتغير والحياة هتبقي احسن واجمل لو كل واحد فينا ضحك اللي حاوليه ولو كل واحد خد بايد اخوه وساعده ومسبهوش الحياة هتتغير للاحسن وزي ماقالت عايدة الايوبي "  ماتعيش الدنيا بروح الطفل اللي جووواك لو مهما قالو الضحكه مش مفرقاااك افتح شباكك ونور حيااااتك انزل افرح فرح و انسي اللي فااااات " نفسي نمشي بالكلام ده نعيش الدنيا بروح الطفلة اللي جوانا نعمل كل اللي نفسنا فيه من غير مايهمنا كلام حد ولا راي حد نعمل اي حاجة تفرحنا حتي ولو كانت مجنوونة ونفرح كل اللي حواالينا ونخلي السعادة مش تفارقنا نفسي نعمل بقوله (ص) " تبسمك في وجه اخيك صدقة " نرسم بسمة في وجه اخواتنا وكل اللي حوالينا ونترك البسمة دي بصمة لينا علي الوشوش اللي بنشوفها J

طلع الضحكة من قلبك .. خلي الوش يبان مبسوط

ارسم علي اخوك الابتسامة .. خلي الفرحة تدوم علطول

ده تبسمك في وجه اخيك صدقة .. زي ماقال شفيعك الرسول  

سامحيني ياامي

سامحيني ياامي .. ان قصرت في حقكي يوما 
سامحيني ياامي .. ان حملتك فوق قدركِ يوما
سامحيني ياامي .. ان لم اقدر تعبكي يوما 
سامحيني ياامي .. ان صدر مني شيئا ازعجكي يوما 
ضحكتك ياامي هي الشمس المشرقة .. التي استمد منها الامل دائما 
عندما تضحكين ياامي .. تسعد الدنيا بما فيها
عندما تحزنين ياامي .. تسود الدنيا بما فيها
سامحيني ياامي .. ان لم اشتري لكي شيئا

كل سنة وانتي طيبة ياامي

ممكن الكلام ميكونش حلو وممكن الكلام ميكونش ماشي ومنسق بس بجد لما كتبت الكلام ده واديته لامي انهاردة متتخيلهوش فرحتها كانت اد وفرحتها وهي بتقولي دي اجمل هدية جاتلي وانا كنت فرحان اد ايه وهي بتقولي كده بجد انهاردة من اسعد ايام حياتي