اصنع سعادتك ツ

                  اصنع سعادتك ..

قالو زمان في مثل قديم الشئ ان زاد عن حده بينقلب لضده الا السعاده ان زادت عن حدها بتنقلب ع الناس اللي حواليك وع كل اللي تعرفهم فمتحرمهمش منها .. خليك صانع البسمة والسعادة في اجمل من كده حاجة

لما تبقي انت مصدر السعادة لكل الناس اللي تعرفهم ... 

السعادة بين ايديك ..

تقدر تخليها تظهر عليك وبايديك برضه انك متخليهاش تظهر عليك وتكتئب وتستمر ف مود الحزن الكئيب ده .. بس هو كل واحد فينا ليه طاقة وصبر ع اللي هو فيه كل مانت هتكمل ف مود الحزن والاكتئاب والخنقة هتلاقي نفسك بتطلع ده ع الناس اللي حواليك وممكن تخسر حاجات كتير بسبب كده

فا ياما تلحق نفسك وتفوق من اللي انت فيه وده بايدك او تكمل وتبقي حياتك ملهاش اي لازمة لانك كده مش عايش اصلا ..

والوحدة والاكتئاب مش حياة .. الحياة اصلها ضحكة وفرحة وسعادة

الحزن والصدمات وكل ده حاجات عابره عشان نتعلم منها مش عشان حياتنا تقف عندها ونثبت ف الوضع ده ومنتغيرش عشان نفيد نفسنا قبل مانفيد غيرنا .. ها قولت ايه هتكمل ولا هتفوق وتتغير !!

بس اقولك الفترة دي بتمر ع كل واحد فينا بس في اللي بيلحق نفسه وبيفوق منها بسرعة وبيقوي نفسه بنفسه وفيه اللي بيحتاج حد يقومه ويشجعه ع كده وفي حد بيسلم خالص للموضوع ده .. كل واحد حسب طاقته وقوته الداخلية ومدي اقتناعه ان السعادة هي اصل كل شئ وان الحزن شئ عابر مش مستمر وليس العكس ..

كل واحد فينا جوه منه فيه امل واحباط ويأس لو مفكرتش في الامل وزودته من جوه عندك عشان يغطي ع الاحباط واليأس هيحصل العكس وهو ان الاحباط واليأس هيزيدو لو سلمت ليهم وهيغطو ع الامل اللي جوه منك ..

طلع الامل اللي جواك فكر فيه دايما هو موجود مفيش حاجة اسمها مفيش امل لا الامل ده بايديا برضه انه انه ازوده جوه مني واخلي الطاقة الداخلية والامل يزيد وقوي نفسي عشان ارجع للحياة تاني
لاني طالما ف مود الحزن والاكتئاب والوحدة ومنعزل عن الحياة فانا بالتاكيد كده ميت بس بتنفس .. طب ليه اعيش حياة الموت دي يلا اتغير وافوق وارجع للحياة تاني بضحكة وشوية امل ..

لسه الامل موجود .. طول ما انا حي موجود ..

لسه الامل موجود .. جوااك ملوش حدود ..

لسه الامل موجود .. طول مانت واثق ف ربك المعبود :)

اصنع سعادتك اخلق مودك بايدك بص اصل السعادة جواك لازم تطلعها .. السعادة في كل حاجة حواليك بس انت اللي بتبص ع نص الكوباية الفاضي

بص ع النص المليان وافرح ..
بص ع النص المليان ف كل حاجة وخليك ايجابي متبقاش سلبي وتحبط كل واحد ..
كلمة بتفرق كتير جدا
هي كلمة ..
ممكن تحس بنفسك وقيمتك بكلمة ..
ممكن تكره نفسك بكلمة ..
ممكن تفشل بسبب كلمة ..
ممكن مستقبلك كله يتغير وتفكيرك كله يتغير بسبب كلمة ..
يعني تعددت المواقف والسبب كلمة !! ..
اهم حاجة اننا منسلمش للكلمة من الشخص المحبط والسلبي ده ..
وانت خلي كلامك ايجابي حتي تاخد حسنات انك بتديه دفعة معنوية وامل ..
انت تعرف ان بلسانك ده ممكن تخلي السعادة ف حياتك .. انت كل ماتتكلم بكلام ايجابي وتتعود ع كده هتلاقي مفسك فرحان كده لا اراضي ولو سساعدت حد بكلمة وبسببك قدر يكمل ويوصل دي لوحدها فرحة كبيرة متتسواش باي حاجة ..

افضل قول بكرة احلي .. هبدء من جديد .. الامل موجود .. السعادة اصل الحياة .. هوصل لحلمي ..
خليك ايجابي :) ..

اصنع سعادتك بايديك ..
وانشرها دايما حواليك ..
وعيش لهدفك ابني حلمك ..
واوعي الحزن يأثر عليك ..
افرح كما الطير فوق السحاب ..
وانسي اللي فات واضحك بدون اسباب ..

وارجع لربك هو اللي حاسس بيك ..
فضفض ترتاح والفرحة الدايمة ليك ..

3 ثانوي ......

3 ثانوي ......  

 بعد ماخلصت تالتة كان لازم ماسكتش ع السنة اللي عدت دي لانها مش سنة عادية زي اي سنة دراسية بتعدي علينا ونخلصها .. وكان بالاخص ليا كطالب تالتة ثانوي ازهر او اي طالب في ثانوية ازهرية يصدق انه خلص .. بس الصراحة العقل مش قادر يصدق ومش قادر يستوعب انه خلاص السنة خلصت مفيش امتحانات تاني مفيش مزاكرة تاني العقل بيقول انت اكيد بتهزر ده ان دل ع شئ فيدل ع ان تالتة جابتلنا الخفيف ( جنون مؤقت ) هوس بالامتحانات .. امتحانات تتلغي امتحانات تتعاد شعور تحفة :D .. يمكن العقل مش قادر يستوعب لانه حس ان الامتحانات بقي شئ من حياته الطبيعية بيكمل بيها يومه زي الاكل والشرب كده .. والصراحة العقل معاه حق ( 37 يوم بنمتحن ) ناس بدأت بعدنا وخلصت قبلنا كليات بتخلص امتحانات قبلنا لغاية ماوصلنا ان كل مصر خلصت امتحانات واحنا لسه مستمرين مبنزهئش روحنا طويلة .. 
في وسط 37 يوم دول في منا اللي بعد اول امتحان كبر وقال هي كده كده بايظة وريح بدري بدري .. في اللي وقع في امتحان مهمهوش قام واكمل في اللي اتعلم عليه في كل امتحان بس كان مُصر انه يكمل ومش امتحان صعب او اكتر هيوقفوه عن انه يوصل لحلمه والكلية اللي هو بيحلم بيها .. القوة والتفكير ده بيختلف من شخص لاخر ع حسب اقتناعه بنفسه .. 

بس بعد ماخلصت 3 ثانوي الحمدلله اكتشفت انك لازم متربطش حلمك وهدفك بكلية تحلم بيها وتتعلق بيها اوي عشان لا قدر الله لو مجبتش مجموعها ايأس والدنيا تقف كده بالنسبالي يبقي هما قدرو يكسروني بامتحناتهم وتنسيقهم اكيد لآ .. ده بُعدهم انهم يوقفونا عن حلمنا .. وللاسف عشان انت في مصر ماتقدرش تحلم بكلية نفسك فيها لانك ممكن متوصلهاش وده اللي بيحصل بنسبة كبيرة احلم بكلية مجبش مجوعها اخش كلية مبحبهاش اطلع اشتغل حاجة تانية خالص غير اللي انا درسته وهي دي مصر في الوقت الحالي والماضي والله اعلم هل هتتغير فيما بعد ؟؟ 
ولكن نقف هنا لحظة .. كل واحد لازم يبقي واثق في ربنا وفي حكمته ثقة تامة ومتاكد مليون % ان كل حاجة بتحصلك اكيد خير ليك .. ودي حاجة احنا كطلاب ثانوي ازهر لمسناه لما اتلغي امتحانات اتنرفزنا واتعصبنا وغلطنا وده شئ طبيعي بس كل واحد فينا كان حد بيقوله اكيد ده خير ( قدر الله وما شاء فعل ) والخيرة فيما اختاره الله .. كلنا بلا استثناء كنا متوقعين ان الامتحانات المعادة هتبقي اصعب من اي امتحانات عدت علينا ولكن كان بالعكس الامتحانات اللي عدناها كانت اسهل مايمكن حتي احنا قلنا ( ياسلام لو كل الامتحانات تتعاد ) بغض النظر عن امتحان المستوي .. اكيد مش عاوزنها تتعاد بس من فرحتنا بسهولتها قلنا كده .. 
الغرض والقصد من الكلام ان كلها اسبوعين وتتطلع نتيجة الثانوية ( الرعب الاعظم ) عند ناس كتير .. في منا اللي ربنا هيكرمه وهيكون ليه حكمة وعارف انه الخير ليه في مجموع الكلية اللي بيتمناه الشخص ده لازم هيكون فرحان .. وفي منا اللي مجموعه للاسف هيمنعه من الكلية اللي بيتمناها فهيزعل ويكتئب ويقول كده كده مش هتفرق اي كلية .. لا بالعكس انت هتتضايق شوية ده شئ طبيعي ولكن لازم تفرح لان ربنا شايف الخير ليك مش في الكلية اللي انت نفسك فيها فانت تشوف مجموعك جاب ايه وتستخير ربنا في الكلية دي وربنا هيهديك للكلية الاصلح ليك .. 
( وعسي ان تكرهو شيئا وهو خير لكم وعسي ان تحبو شيئا وهو شر لكم والله يعلم وانتم لا تعلمون ) .. ربنا رحيم اوي وعارف بحال كل واحد فينا فاطمن ربك اسمه الكريم الحليم خلي ظنك في سندك جميل .. 

مما لاشك فيه انت بتسمع كلمة 3 ثانوي من وانت صغير ومرعوب منها شوفت اخوك في الثانوية اتنفخ فانت مستني سنة ( الرعب العظيم ) .. كلام اهلنا قرايبنا حتي مُدرسينا رسخ فينا فكرة ان 3 ثانوي هي السنة اللي هتغير مسار حياتك .. خلونا معتقدين اني لو طلعت من السنة دي من غير المجموع الكبير يبقي كده انا مش موجود في الوجود خلاص مليش لازمة .. رسخو فينا ان مفيش غير كليتين في مصر هي ( طب وهندسة ) ابن خالتك دخل طب .. ابن عمك دخل هندسة انت اقل منهم يعني .. 
 بيحاصرونا في فكر ضيق جدا من وانا صغير دماغي تقفل لا طب لا هندسة تفكيري ميطلعش بره الكليتين دول .. حياتنا مش كليتين بس الدنيا اتغيرت 180 درجة حوالينا واهلنا لسه مقتنعين بردو ان هما كليتين بس .. 
مش كل اهلنا طبعا الا من رحم ربي .. 
نفسي نغير الفكر ده وكل واحد يشوف نفسه بيحب ايه .. هوايته ايه .. شايف نفسه هيقدر يحقق ايه ويكمل حلمه ع كده .. قصص نجاح كل واحد ابتدي من الصفر ومن تحت الصفر وحاول وعافر لغاية ماوصل كتيرة لو اقعدت اقول فيها مش هخلص .. يــارب نقدر نغير الفكرة دي من عقلنا ومنحاولش احنا فيما بعد نرسخها في عقول اولادنا .. 

 ايه اللي طلعت بيه من تالتة .. 
سؤال جميل اتسئلته واكتشفت حاجات كتيرة جدا .. في السنة دي كل واحد فينا اتعلم ازاي يحفظ بكمية الكتب والملازم اللي عند كل واحد مننا .. اتعلم حاجات كتير واكتشف حاجات اكتر في نفسه عرف مين صاحبه اللي بجد ومين صاحبه اللي مبيصدق انه يقع .. بتغير تفكير بعض مننا في منا اللي بيحس انه عقل وتفكيره كبر شوية .. في اللي كان سايبها بتساهيل ربنا ومبيحسبهاش بس اتعلم يحسبها شوية طبعا وهو سايبها ع الله بردو .. وفي منا اللي عرف حلمه ايه في تالتة واللي عرف موهبته ايه او هيقدر يعمل ايه واكتشف حاجة جديدة في نفسه .. 
تالتة سنة غريبة مع انها خلصت لكن انت حاسس بشعور غريب شعور متناقض هل افرح انها خلصت ؟؟ ولا ازعل ان اصحابي الشلة كل واحد هيتفرق ؟؟ وهنشوف بعض كل فين وفين .. 
 شعور غريب عدي علينا كلنا في السنة دي ( حزن .. وفرح .. زعل .. وعياط .. صدمة من الامتحان .. توتر .. اغماء .. مفاجاة ان الامتحان طلع سهل .. ضحكة جميلة بتظهر لما بتشوف سؤال في الامتحان بتكون لسه حله .. خناق .. مشكلة .. اتحلت .. نفضت في اول السنة .. ابتديت تشد .. جدع ياولد .. مزاكرتش ليه يااخي .. ركز ع السؤال ده .. مجاش في الامتحان يامستر .. خروج مع صحابك .. فيس وتويتر .. دخلنا في الجد .. كلام والدك والدتك .. حلمك انت رسمه .. كلمتين شجعوك .. وقفة مع نفسي احنا دخلنا في شهر اربعة لازم اشد اكتر .. خلاص الامتحان .. انا عملت اللي عليا بقي .. الامتحان كان صعب .. احمدك يارب امتحان سهل .. امتحان اتلغي .. اتعاد .. كان سهل اه الحمدلله .. خلاص خلصت .. مش مصدق نفسي بجد .. يعني مفيش دروس ولا مزاكرة تاني .. الحمدلله ) 

اكتشفت ان تالتة حالة عاشها كل واحد فينا .. وكل واحد اتعلم فيها حاجة جديدة واتغير واكتشف حاجة في نفسه .. حالة غريبة شعور مكس كده مليان تناقض .. 
بس الاكيد ان تالتة ثانوي الحالة اللي احنا عشنا فيها ع مدار سنة كاملة .. هي السنة الوحيدة اللي هنفضل فاكرينها هتفضل في الزاكرة وعمرها ماهتتنسي بكل حاجة حلوة او وحشة فيها .. 
 الحمدلله انها خلصت وربنا يكرمنا كلنا بالخير لكل واحد فينا .. ويارب حقق حلمنا اللهم اميـــن ........

الحلم ملهش حدود ツ

                  الحلم ملهش حدود

انا هتكلم انهاردة في حاجة يمكن اتكلمت فيها قبل كده وهي الحلم والتفاؤل في الحلم .. مفيش سقف لطموحي واحلامي .. والاحلام مهياش بفلوس عشان محلمش .. احلم مهما كان الحلم ايه .. هتوصله باصرارك وطموحك الكبير .. الحلم ملهش حدود ..   :)

منذ اربع ايام كانت الذكري الثانية لوفاة الاب الروحي لكثير مننا الرجل الذي علم الكثير وغير في كل منا شئ وليه فضل عليا كبير في تغيري وهو الدكتور ابراهيم الفقي ( رحمه الله ) ..
دكتور ابراهيم مثال وقدوة لينا كلنا في ان الحلم تحقيقه مش مستحيل بس بعد تعب وعمل كبير هتوصله ..
مثال هستدل بيه في الموضوع انهاردة نظرا لذكري وفاته .. وتأثيره في تغيير الكثير والكثير في انحاء العالم ..

دكتور ابراهيم بداية احلامه كان لاعب تنس طاولة عادي ولكنه وضع حلم امامه انه يبقي بطل مصر في تنس الطاولة وفعلا اشتغل ع نفسه كتير واتدرب لحد ماكسب بطولة الجمهورية في تنس الطاولة ودي كانت بداية تحقيق اول احلامه .. حتي ان وصل الي بطولة العالم في المانيا ..
لم يضع سقف لاحلامه .. ثم تخرج من كلية السياحة والفنادق وتعلم الكثير من اللغات .. وكان حلمه ان يذهب الي امريكا ويصبح مدير فندق بها .. وبدئ من الصفر عمل غاسل صحون بالرغم بما لديه من مؤهلات الا انه قال ( لم احزن اني  بدئت في غسيل الصحون فقد كنت اعرف انها الخطوة الاولي ) .. كان واثق في نفسه ..

وفي نفس الوقت كان يتعلم ويجهز نفسه للادارة العليا .. مضي سنة كاملة في غسيل الصحون .. ثم مساعد لحامل الطاولات .. الي ان وصل الي وظيفة اكبر .. ولكن لانه عربي كان مضهد ويعامل معاملة سيئة حتي ترك الفندق واعمل كحارس ليلي .. وفي يوم وهو عائد من عمله محبط افتكر ماقاله والده له ( لا تحزن يابني فكلما اغلق الله بابا فتح بابا ) ومن هنا جائت قوة كبيرة في نفس الدكتور ابراهيم وقرر انه لن يستسلم ابدا .. ووضع حلم امامه ان يكون مدير اكبر الفنادق في خلال 6 سنوات .. وفعلا اصبح مدير احد الفنادق الكبيرة هناك ولكن بعد ماواجه من الصعوبات والمتاعب الكثيرة ..
وعندما اقترب من قمة نجاحه تأمرو عليه اعداء النجاح حتي افلس الفندق وتم الحجز علي سيارته ولم يعد معه شيئ .. ثم قرر ان يترك مجال الفنادق وقرر ان يستغل نفسه واستغل حبه للقراءة والكتابة وكتب اول كتاب له عن مجال الادارة .. ونجح الكتاب نجاحا عظيما .. حتي دخل في مجال التنمية البشرية وترك بصمة له في كل شخص مننا وكل شخص في انحاء العالم واصبح واحدا من اعظم شخصيات العالم .. فلنا في قصة حياته عبرة ودرس نتعلم منه .. وهو ان الحلم ملهش حدود ومفيش سقف للطموح والاحلام وان بعد الفشل هتوصل للنجاح .. احلم مهما كان الحلم واتعب عشان توصله .. ولو وقعت في نص الطريق متيأسش وترجع ومتكملش الفشل هو اول خطوة للنجاح .. متيأسش ومتسلمش للاحباط مااعتقدش ان في فشل وصعوبات واجهها الدكتور ابراهيم في حياته كلها كل واحد ينا واجهها اكيد واجهنا صعوبات ومتاعب بس ممكن متكنش اد الصعوبات اللي واجهها دكتور ابراهيم ومع ذلك ماستسلمش ليها ووقف ورجع مصر من غير مايحقق حلمه .. 

ماتقفش في وسط الطريق وتسلم .. امسك حلمك في ايديك وامشي مشوارة الطويل واقف لكن ماترجعش لورا اقف واستعيد اوراقك وكمل تاني واستعيد خطتك عشان توصل لحلمك وكمل في الطريق لحد ماتوصل ماتخليش الاحباط واليأس يكسرك ويمنعك عن حلمك ..

احلم بصوت مسموع

الحلم مش ممنوع

وقول بعلو الصوت

هقدر اعدي وافوت

الحلم يبقي حياة

متنتهيش بالموت

 
خلي الحلم يبقي حقيقة
خد السعادة اول طريقة
واشتغل خليك هُمام
ابعد عن الاحباط دقيقة
ابتدي وانسي اي كلام

متحطش سقف لحلمك وطموحك

احلم مهما كان الحلم ايه

اعمل ع تحقيق حلمك

وتفائل خليك ايجابي

تفـائـلو يـابشـر

:) :) :) :) :) :)

بداية ( فرحة , تفاؤل , اصرار ) ツ

            بداية ( فرحة , تفاؤل , اصرار )

ممكن تكون متأخرة شوية .. بس خلصت سنة 2013 بكل مافيها من اوقات فرح اوقات حزن احداث حلوة احداث وحشة .. خلصت خلاص .. وبدئنا في عام جديد .. بنتمني فيه كل خير ونتمني انه يكون احسن من السنة للي فاتت .. والفرحة فيه تزيد ونتقدم للاحسن ..وحياتنا مع بعض تتغير للافضل .. كلها اماني ندعو بها ربي .. ونتمني ان تكون بداية فرحة . تفاؤل .اصرار J J

ابدء سنة جديدة بنية جديدة وصفي قلبك لكل الناس .. ابدئها بالحب والتفاؤل بان الخير هيجي وانك هتبقي احسن في السنة الجديدة .. خلي فـ قلبك نية خير لكل حد .. وفـ كل حاجة بتعملها .. ابتسم في وش كل الناس ..عشان تبقي سنة بالفرحة مليانة ان شاء الله .. خطط هتعمل ايه في 2014 وعاوز تبقي ايه فيها وارسم خطتك في السنة دي واهدافك واحلامك اللي عاوز توصلها واكتبها في ورقة وحطها في اوضتك خليها قدامك دايما .. عشان تبص ليها دايما ولي وقعت مرة في الطريق تشوفها وتفتكر حلمك وتكمل الطريق .. سيبك من اي حد بيحبطك وكل كلامه احباط للناس ولو شاف لحاجة حلوة يدور ع العيب اللي فيها ويبص عليه .. سيبك من الناس دي وثق في نفسك اوي انك قادر تحقق كل اهدافك اللي بتتمناه في 2014 .. حب كل الناس ماتشلش في نفسك حاجة لحد وخليها سنة مليانة بالحب وحب الخير للناس مش الكره اللي بعض ونتمني لبعض الحاجة الوحشة .. صفي نيتك وارجع لربك من تاني حافظ ع صلاتك .. واقرا قران يوميا حتي ولو كان صفحة او ربع .. اعمل خير دايما في السنة دي .. وحاول تفرح ناس كتيير .. وخليها بداية فرحة . تفاؤل . اصرار ..

بداية فرحة . تفاؤل . اصرار :
ليه بقي :

فرحة ..

عاوزين تبقي السنة دي غير كل سنة والفرحة فيها تبقي كبيرة .. اصل الفرحة جوه كل واحد فينا لو عايز طلعها هيطلعها مش مستني حد يجي ويفرحه لو هو عاوز يفرح بجد هيفرح نفسه بحاجات كتير اوي وحاجات بسيطة عاوزينها تبقي كلها سنة فرحة وتبقي الابتسامة في وشنا دايما وتبقي علامة في وشنا .. نفرح الغلبان فيه ونساعد المحتاج وننشر الخير والفرحة ونبقي سبب في فرحة الناس صدقني مفيش احلي منها فرحة لما تكون سبب في سعادة وفرحة حد .. وياارب تبقي سنة كلها فرحة ..

تفاؤل ..

نبقي متفائلين ان الخير هيجي وان الاحسن جاي .. هتقول انت مش عايش معانا ولا ايه انت مش شايف احنا فـ ايه هقولك .. كل ده اختبار وابتلاء من ربنا علينا .. ليه عشان بعدنا عنه وكل ده من ذنوبنا ربنا بيعاقبنا .. الحل اننا نرجع لربنا ونقرب لدينا ونرجع زي الاول بنحب بعض وبنخاف ع بعض .. وهنبقي احسن ان شاء الله ..

عاوزيم نبقي ايجابيين تفكيرنا ايجابي .. بنبص لكل اللي بيحصلنا من الجانب الافضل زي مابيقولو لنص الكوباية المليان مش الفاضي .. تفكيرايجابي في كل اللي بيحصلنا فـ انه خيير لينا وانه الاحسن ولازم نثق في ربنا وان كل اللي بيحصلنا خير .. مهما كان انت شايفه شر ليك ..  ( وعسي ان تكرهو شيئا وهو خير لكم ) .. ربنا سبحان وتعالي قال كده في كتابه العزيز .. لازم نبقي متفائلين اكتر وعندنا امل اكتر لان الامل جوانا برده ربنا خالق كل واحد فينا جواه شوية امل .. يقدر يطلعهم وقت ماهو محتاجهم وقت مالكل حواليه بيحبطوه هو قادر يطلع حبة الامل جول عشان يكمل الطريق .. لازم نكمل الطريق ونعيش بشوية التفاؤل والامل دول .. وياارب نبقي كلنا متفائلين في السنة دي ..

اصرار ..

ع الحلم وه الهدف بتاع كل واحد فينا .. منيأسش ابدا .. اليأس خيانة .. مهما وقعت قوم وكمل وهتوصل متقولش صعب .. خليك مصًر ع حلمك وباذن الله هتوصل .. لما تحدد اهدافك في السنة دي مهما كانت قد ايه .. خلي عندك اصرار نك تحققها كلها باذن الله ولو محققناهش كلها ع الاقل حاول تحقق اكبر عدد ممكن من احلامك واهدافك في السنة دي .. اياك واليأس .. خليك مصًر ع حلمك وباذن الله كلنا هنوصل لحلمنا ..

عن حلمك احساسك صعب انك توصل ..

امن بنفسك طريقك طويل وباصرارك بكل هتوصل ..

بداية فرحة تفاؤل واصرار .. وخير بيشرق كل نهار ..

بداية كلمة امل وتكرار .. ومرة بمرة هنوصل للقرار ..

قرار الفرحة والتفاؤل والامل .. قرار الاصرار والنجاح والعمل ..
وبادينا هنحدد سنتنا ببداية فرحة وتفاؤل واصرار هتكمل ..

اضحك .. افرح 
وانسي الهم 
بسمة فـ وشك تنهي الغم .. 
لما الحزن يطول قولو ياعم .. امشي وروح يلا اتلم .. 
ارمي الجرح واقطع عيشه .. 
مهما يزيد هتقصقص ريشه ..
قابل الدنيا ببسمة فـ وشك 
مهما تشوف من هم وحزنك
انسي بضحكة وهمك شيله ..
عيش بالامل والفرح وزيده .. 
اضحك .. وافرح 
وانسي الهم 
افرح واضحك يلا ياعم 

J J J J

نصفي نيتنا وقلبنا من اي كره ..

نحب وبعض ونتمني الخير لبعض ..

نبتسم في وش بعض دايما .. الفرحة هتكبر بينا ..

باصرارنا ع حلمنا هنوصل ..

ان شاء الله تكون سنة سعيدة

بس كده تفـــائلو يــابــشر J J J